Мемлекеттік саясат магистрі « Graduate School of Public Policy

MPP бағдарламасының ақпарат парағы

MPP анықтамалығы

Оқуға түсуге өтініш беру

МЕМЛЕКЕТТІК САЯСАТ МАГИСТРІ

«Мемлекеттік саясат магистрі» (MPP) – бұл 2013 жылы ашылған екі жылдық күндізгі оқу бағдарламасы.

MPP бағдарламасының миссиясы ұлттық және халықаралық деңгейлерде тиімді, пәрменді және сенімді мемлекеттік қызметті қамтамасыз ету үшін саясат саласындағы прогрессивті мамандардың жаңа буынын дайындау болып табылады.

MPP бағдарламасы бойынша мансаптық перспективаларды жақсарту үшін 3 бағыттың (экономикалық саясат, халықаралық саяси экономия немесе мемлекеттік басқару) біреуі бойынша мамандануды таңдауға болады.

Оқыту нәтижелері

Бағдарламаны табысты аяқтаған жағдайда түлектер мыналарды меңгереді:

  1. мемлекеттік басқару саласында жетекшілік ету және басқару;
  2. саяси процеске қатысу, оған үлес қосу;
  3. талдау, жинақтау, сыни тұрғыдан ойлау, мәселелерді шешу және шешім қабылдау;
  4. мемлекеттік қызмет перспективасын тұжырымдау және қолдана білу;
  5. әр түрлі және өзгеріп отыратын жұмыс күшімен және азаматтармен қарым-қатынас жасау және нәтижелі әрекеттесу.

Кәсіби құзіреттілік: сонымен қатар, бағдарлама студенттердің өз білімдерін қолданып үйренетіндігіне кепілдік береді, мысалы, эмпирикалық жаттығулар және және қоғамдық, әкімшілік және саяси мамандықтар мен секторлардағы көптеген мамандармен өзара іс-қимыл арқылы қолдану.

Квалификация

Академиялық бағдарламаны аяқтағаннан кейін студенттерге мемлекеттік саясат магистрі дәрежесі беріледі.

Аккредиттелген мәртебе

Мемлекеттік саясат магистрі бағдарламасы Еуропалық мемлекеттік басқаруды аккредиттеу қауымдастығы (EAPAA) және Мемлекеттік саясат, істер және әкімшілік мектептер желісі (NASPAA) аккредитациясынан өткен.

Бағдарламаның құрылымы негізгі мынадай компоненттерді қамтиды:

  1. Таныстыру аптасы. Бұл MPP бағдарламасының бірінші аптасы. Мақсаты – студенттерді бағдарламаға дайындау және олардың  топтастар ретінде бір-бірінің арасында қарым-қатынас орнату. Таныстыру аптасына келмес бұрын студенттер барлық қажетті құжаттарды тапсырып, алдын-ала тапсырылған жұмысты орындауы керек.
  2. Негізгі (міндетті) курстар – барлық студенттер бағдарлама аясында өтуі тиіс курстар.
  3. Факультативті (элективті) курстар – MPР бағдарламасының барлық студенттері балама курстар арасынан таңдау жасайтын курстар. Факультативті курстар өзгеруі мүмкін, себебі олар студенттердің мүддесі/қалауына, оқытушы-профессорлар құрамының болуына және бағдарламаны жүзеге асыру жоспарына негізделген.
  4. Шетелдік компоненті бар мемлекеттік саясатты талдау бойынша жаттығу (PAE)

PAE – 16 ECTS кредитіне бағаланатын курстық жоба. Ол әдетте тапсырыс беруші немесе мақсатты ұйым үшін орындалатын мемлекеттік саясатты зерттеу болып табылады. PAE студенттерден мемлекеттік саясаттың өзекті мәселелерін анықтауды және талдауды талап етеді, студенттерге алдағы кезеңдерде алдарынан шығатын кәсіптік талаптарды қанағаттандыруда сенімділік пен құзыреттілікті дамытады. PAE-ні орындаған кезде студенттер мәселені анықтауға және құрылымдауға, мәліметтерді жүйелеуге, мәселені анықтауға және талдау жүргізуге, нақты және сенімді жазбаша есеп беру шеңберіндегі іс-әрекеттер бойынша нақты ұсыныстармен аяқтауға дайын болуы тиіс. 

Шетелдік компонент (қазіргі уақытта Сингапурде), әдетте, бірінші оқу жылының соңында (жазғы семестр) өтеді, студенттер дәрістер мен оқу сапарларға шығу арқылы ұзақ мерзімді қала жоспары және оны экономикалық дамыту туралы сингапурлық тәсілдермен танысады, олар алған сабақтары туралы және оларды Қазақстан жағдайында пайдалануға немесе бейімдеуге болатындығы туралы түйіндейді. Бұл, әсіресе, өзінің РАЕ жобасымен жұмыс істейтін студенттер үшін пайдалы болуы мүмкін.

Оқуды қаржыландыру түрлері

МРР бағдарламасына оқуға қабылдау меритократия негізінде іске асырылады. Гранттардың барлық түрлерін үміткерлерге тағайындау конкурс нәтижесінде өтеді.

Біз келесі қаржыландыру түрлерін ұсынамыз:

  • Мемлекеттік қаражат есебінен қаржыландыру: Назарбаев Университетінің білім беру гранты (Мемлекеттік грант) үміткерлердің көпшілігіне қолжетімді. Назарбаев Университеті студенттерінің 98% – ының білім алуы толық оқу құнын және ай сайынғы шәкіртақыны өтейтін мемлекет қаражаты есебінен қаржыландырылады. Назарбаев Университетінің білім беру гранты мемлекеттік білім беру тапсырысы шеңберінде және/немесе «Болашақ» халықаралық стипендиясы аясында тиісті оқу деңгейі бойынша бірдей дәрежеге ие болған тұлғаларға берілмейді. Сондай-ақ, бұл грант бұрын Назарбаев Университетінде оқыған және тәртіптік себептермен оқудан шығарылған талапкерлерге берілмейді. Гранттар саны жыл сайын Қазақстан Республикасы Үкіметі жарғысымен бекітіледі.
  • «Абай Құнанбаев» гранты: «Абай Құнанбаев» гранты Абай Құнанбаевтың (1845-1904) — қазақтың ақыны, ағартушы, композитор, философ, жазба қазақ әдебиетінің негізін қалаушысының құрметіне аталған. «Абай Құнанбаев» гранты шетел азаматтарына және азаматтығы жоқ тұлғаларға конкурс негізінде тағайындалады. Грант Назарбаев Университетімен қаржыландырылады және оқу ақысын, айлық шәкіртақыны және негізгі медициналық сақтандыруды қамтиды.  Гранттар тиісті бағдарлама/мамандық бойынша толық оқу мерзіміне беріледі. Гранттар саны жыл сайын Назарбаев Университетімен бекітіледі. 
  • Ақылы оқу және жартылай гранттар: ақылы оқуға түсу барлық қабылдау талаптарына сәйкес келетін, бірақ төмен рейтингке/орынға байланысты жоғарыда аталған гранттардың ешқайсысын ала алмаған үміткерлерге қол жетімді. Ақылы оқуға квоталар санын жыл сайын Назарбаев Университеті Мектептердің сыйымдылығын ескере отырып бекітеді. Ақылы негізде оқуға түсуге ұсынылатын студенттердің жекелеген санаттарына оқу құнының 50%-дан 100%-ға дейінгі мөлшерін қамтитын грант (жартылай грант) берілуі мүмкін. Осы санаттар туралы қосымша ақпарат алу үшін осы веб-парақшаны тексеріңіз.

 

ОҚУ ЖОСПАРЫ МРР

Негізгі оқу жоспары сандық дағдыларды алуға және талдау жүргізуге, экономиканы, саяси ғылымды, менеджментті және көшбасшылықты зерделеуге  бағытталған. Студенттер бір факультативтің орнына тағылымдаманы таңдай алады. ECTS бойынша бағдарламадағы кредиттердің жалпы саны – 120. 

MPP оқу жоспары*

1 жыл: 1 семестр

Модуль

ECTS кредиттері

MPP 601 – Микроэкономика және мемлекеттік саясат

8

MPP 611 – Мемлекеттік саясат статистикасы

8

MPP 621 – Мемлекеттік саясат және оны талдау

8

MPP 613 – Саяси зерттеулерді жобалау және оның әдістері

8

СЕМЕСТРДІҢ АРАЛЫҚ ҚОРЫТЫНДЫСЫ:

32

1 жыл: 2 семестр

Модуль

ECTS кредиттері

MPP 602 – Макроэкономика және мемлекеттік саясат

8

MPP 603 – Мемлекеттік саясаттағы деректерді талдау

8

MPP 699 – Шетелдік компоненті бар мемлекеттік саясатты талдау бойынша жаттығу (PAE) (I)

0

MPP 641 – Мемлекеттік басқару және көшбасшылық

8

1 факультативтік пән

8

СЕМЕСТРДІҢ АРАЛЫҚ ҚОРЫТЫНДЫСЫ:

32

1 жыл: 3 семестр (жаз)

МРР 699 – Шетелдік компоненті бар мемлекеттік саясатты талдау бойынша жаттығу (PAE) (II)

0

Тағылымдама (3 немесе 5 семестрде өткізіледі)

[8]

СЕМЕСТРДІҢ АРАЛЫҚ ҚОРЫТЫНДЫСЫ:

0

2 жыл: 4 семестр

Модуль

ECTS кредиттері

MPP 631 – Саясат және мемлекеттік саясат

8

2 факультативтік пән

8

3 факультативтік пән

8

Шетелдік компоненті бар мемлекеттік саясатты талдау бойынша жаттығу (PAE) (III)

0

СЕМЕСТРДІҢ АРАЛЫҚ ҚОРЫТЫНДЫСЫ:

24

2 жыл: 5 семестр

Модуль

ECTS кредиттері

4 факультативтік пән

8

5 факультативтік пән немесе тағылымдама

8

MPP 699 – Шетелдік компоненті бар мемлекеттік саясатты талдау бойынша жаттығу (IV)

16

СЕМЕСТРДІҢ АРАЛЫҚ ҚОРЫТЫНДЫСЫ:

32

ЖИЫНЫ

120

* Модульдер тәртібін Мектеп өзгертуі мүмкін

 

МОДУЛЬДЕРДІҢ СИПАТТАМАСЫ

MPP 601 – Микроэкономика және мемлекеттік саясат

MPP601 «Мемлекеттік саясат магистрі» бағдарламасының негізгі модулі және бағдарламаның басқа да көптеген модульдерін зерделеу үшін қажетті шарт болып табылады. Модульдің негізгі мақсаты – сізге жеке тұлғалар мен фирмалардың мінез-құлқын, осы мінез-құлықтың салдары болып табылатын экономикалық нәтижелерді модельдеуге және оларды мемлекеттік саясатты әзірлеуде қолдануға арналған құралдар жиынтығын ұсыну.

MPP 611 – Мемлекеттік саясат статистикасы

Бұл курстың мақсаты – студенттерді қажетті статистикалық құралдармен және кәсіби ортадағы мемлекеттік саясат проблемаларын эмпирикалық талдаумен байланысты үлгілерді құру тәжірибесімен жарақтандыру. Студенттер бұл құралдарды саясатты бағалау, жалпы биварианттық және көп өлшемді тәуелділіктерді түсіндіру сияқты сипаттамалық және қорытынды мақсаттар үшін де қолдана алады. Курс статистика мен теорияға ықтималдықтар, ықтимал бөлулер, деректер түрлері, инференциалдық статистика, гипотезаларды тексеру, корреляциялық талдау енгізуден басталады және бивариациялық және көптеген регрессиямен аяқталады.

MPP 621 – Мемлекеттік саясат және оны талдау

Мемлекеттік қызметшілер саясатты немесе бағдарламаларды бастау, жалғастыру, өзгерту немесе тоқтату туралы шешімдер қабылдау қажеттілігіне жиі тап болады және мемлекеттік саясат туралы білім және саясатты талдау дағдылары оларға ақылға қонымды шешімдер қабылдау үшін қажет. Курста саясат мәселелерін анықтау, критерийлерді белгілеу, саясаттың балама нұсқаларын бағалау, саясат арасындағы таңдау және оның салдарын бағалау сияқты саясатты талдау мен бағалаудың маңызды аспектілері қарастырылады.

MPP 602 – Макроэкономика және мемлекеттік саясат

Макроэкономикалық өзгерістер бүкіл әлемдегі саяси пікірталастардың басты тақырыбы болып табылады. Бұл курс тәжірибелі мемлекеттік қызметкерлер, саясат сарапшылары немесе мемлекеттік саясат талдаушылары болғысы келетін студенттерге макроэкономика туралы терең түсінік береді. Бұл – мемлекеттік саясат магистратурасы бағдарламасындағы негізгі курс және бағдарламаның көптеген басқа модульдері үшін міндетті шарт болып табылады. Бұл модульден өту үшін негізгі математикалық дағдыларды жақсы меңгеру қажет. Модуль MPP601 микроэкономика тақырыбын шолудан басталады, әрі қарай таңдалған тақырыптарды біртіндеп жетілдірілген деңгейге дейін талқылаумен жалғастырылады. Модульдің қалған бөлігі макроэкономикалық саясатты талдауды зерттеуге арналған. Микроэкономика «Макроэкономиканың микро негіздері» тақырыбын дамытуға көмектеседі.

MPP 603 – Мемлекеттік саясаттағы деректерді талдау

Бұл курс Жоғары мемлекеттік саясат мектебінің «Мемлекеттік саясат магистрі» бағдарламасында мемлекеттік саясатты оқитын магистранттарға арналған. Курстың құрылымы студенттерге мемлекеттік саясат пен мемлекеттік басқару мәселелерін түсіндіретін модельдерді зерттеу үшін деректерді талдау білімін қолдануға мүмкіндік береді. Осылайша, бұл курстың негізгі мақсаты – қатысушыларға модераторларды немесе делдалдарды қосудан басқа, үздіксіз немесе категориялық тәуелді айнымалысы бар әртүрлі модельдермен байланысты деректерді талдау және студенттердің жеке зерттеулерінің сұрақтарына жауап беру үшін үлкен деректерді талдау туралы білім беру. Семестр бойы студенттер курстың соңында өздерінің зерттеу пәндері бойынша эмпирикалық талдау жүргізу үшін Stata немесе R және қажет болған жағдайда Python бағдарламалауды үйренеді және тәжірибеден өтеді. Студенттер семестрдің соңында нәтижелерін көрсетеді және жазбаша курстық жұмыстарын тапсырады.

MPP 613 – Саяси зерттеулерді жобалау және оның әдістері

MPP613 мемлекеттік саясат саласындағы магистрлік бағдарламаның негізгі модульдерінің бірі болып табылады және студенттерге мемлекеттік саясат саласында зерттеулер жүргізудің негізгі элементтері туралы түсінік алуға мүмкіндік береді. Модуль үш бөлімнен тұрады: 1 бөлім әлеуметтік ғылымдардағы «зерттеу» деген не, зерттеу жұмысының негізгі компоненттері қандай және оларды қалай жазу керектігі туралы айтады (аннотация, кіріспе, әдебиетке шолу және т. б.); 2 бөлімде тыңдаушылар әлеуметтік ғылымдарда зерттеу жүргізудегі тұжырымдамалар мен теориялардың рөлі туралы біледі; 3 бөлімде тыңдаушылар эмпирикалық зерттеу жүргізу кезінде сандық, сапалық және аралас әдістердің негіздерімен танысады. Курстың соңында студенттер зерттеу ұсынысын дайындайды, оны кейінірек PAE (Policy Analysis Exercises) орындау үшін пайдалануға болады.

MPP 641 – Мемлекеттік басқару және көшбасшылық

Бұл негізгі модульдің мақсаты – мемлекеттік саясат студент-магистранттарын институционаларалық және трансшекаралық деңгейлердегі мемлекеттік басқару және көшбасшылықтың негізгі теориялық тұжырымдамалары мен тәжірибелерімен таныстыру. Мемлекеттік басқару мен көшбасшылықтың модельдері мен стратегияларының мемлекеттік мекемелер жұмысының тиімділігіне және бүкіл әлемде мемлекеттік сектор реформаларын іске асыруға әсері шын мәнінде осы модульдегі маңызды тақырып болып табылады. Дүние жүзіндегі мемлекеттік саясат бойынша бірқатар білім беру бағдарламаларынан алынған тәжірибелік мысалдар студенттерге осындай институционалдық шаралардың көріністерін жақсырақ түсінуге, анықтауға және талдауға көмектеседі. Тұжырымдамалық жазбаларды әзірлеу де курстың маңызды элементі болып табылады. Модуль аяқталғаннан кейін студенттер теориялық тұжырымдамаларды түсініп, олардың нақты практикалық қолданылуын зерттей алады.

MPP 631 – Саясат және мемлекеттік саясат

Бұл негізгі курс «Мемлекеттік саясат магистрі» бағдарламасының студенттерін мемлекеттік саясаттың өзара байланысы мен өзара іс-әрекетімен таныстырады. Бұл курс үкіметтің рөлі; мемлекеттік және жеке секторлардың өзара қарым-қатынасы мен динамикасы; саяси-әкімшілік қатынастар; ынтымақтастық және желілер; тиімділікті басқару; мүдделі тараптарды басқару; этика және сыбайлас жемқорлыққа қарсы стратегиялар сияқты негізгі тақырыптарды қамтиды.  Курста кейс-стади мен сыныптағы пікірталастарды зерттеу студенттерге зерттеу нәтижелері мен тұжырымдамалық негіздерді практикамен байланыстыруға мүмкіндік береді.

MPP 699 – Шетелдік компоненті бар мемлекеттік саясатты талдау бойынша жаттығу (PAE)

Саясатты талдау бойынша практикалық жаттығу (PAE) – бұл тапсырыс беруші немесе мақсатты ұйым үшін орындалған мемлекеттік саясатты немесе басқаруды зерттеу (мүмкін болған жағдайда). Бұл, шын мәнінде, дәстүрлі теориялық магистрлік диссертацияның қолданбалы нұсқасы. Осы тапсырма аясында әр студент нақты саяси мәселені анықтап, талдай алуы керек. Студенттер осыны жасай отырып, алдағы уақытта кездесетін кәсіби талаптарды қанағаттандыру үшін сенімділік пен құзыреттіліктерін дамытады. PAE орындаған кезде студенттер проблеманы анықтауға және құрылымдауға,  мәліметтерді жүйелеуге, нақты және сенімді жазбаша есеп шеңберіндегі іс-әрекеттер бойынша нақты ұсыныстармен аяқтауға дайын болуы керек.

Ұсынылатын модульдердің / курстардың, соның ішінде элективті курстардың толық тізімін Регистратор Офисінің сайтынан табуға болады.