Жер, Су, Елді мекендер (ТДМ 1, 2, 6, 11, 14, 15)
Қазақстан ауыл шаруашылығы секторын дамытуға, жерді пайдалану аспектілерін жақсартуға және су ресурстарын басқаруға өз назарын күшейтті. Алайда, судың біркелкі бөлінбеуіне, жер пайдаланудың өзгеруіне, ескірген ауылшаруашылығы техникасына, білікті жұмыс күшінің жетіспеушілігіне және шектеулі қаржылық несиеге байланысты елеулі мәселелер де бар. Бұдан басқа, тамақ өнеркәсібіндегі ішкі сұраныстың артуы және жерді пайдалануды басқарудың тиімсіз тәсілдері Қазақстанның ауылшаруашылығы өнімдерінің нетто-импортына айналуына алып келді. Сондай-ақ, әсіресе трансшекаралық өзендер үшін судың сапасы мен тапшылығына байланысты проблемалар бар. Қазақстан жыл сайын су тапшылығын бастан кешуде және болжам бойынша 2040 жылға қарай елдегі су тапшылығы нақты қажеттіліктің 50%-ына ғана жетуі мүмкін. Бұл проблемалар техникалық тиімді шешімдерді, институционалдық реформаларды және басқарудың неғұрлым тиімді схемаларын талап етеді. Осыған байланысты, біз ұлттық институттар мен халықаралық ұйымдардың өзара әрекеттесуінің қолданыстағы тетіктерімен ынтымақтастықта Қазақстанның су және жер пайдалану жүйелеріне қозғаушы күштер мен қысымдарды зерттейтін боламыз. Біз сондай-ақ SDSN Еуропа және SDSN Қара теңіз жүзеге асыратын «Тұрақты көгілдір өсу» бастамасымен серіктестікте аймақтық зерттеу бастамаларын енгізуді және Каспий аймағындағы су қауіпсіздігі бойынша зерттеулерді жандандыруды мақсат етіп отырмыз.
Энергия және климат (ТДМ 7, 13)
Соңғы бірнеше жылда Қазақстанда климаттың өзгеруіне қарсы тұру үшін таза энергетикалық шешім қажеттілігіне назар аударылды. ТДМ-ға сәйкестұрақты энергетиканы дамыту үшін айтарлықтай күш салынуда. Энергетика секторы және онымен байланысты салалар өздерінің тұрақтылық есептеріне экологиялық, әлеуметтік және басқару көрсеткіштерін енгізді. Халықаралық аккредиттелген рейтингтік агенттіктер де оларды климаттың өзгеруі және тұрақты даму саласындағы қызметін бағалады. Қазақстанда баламалы энергия көздерін жетілдіру саласында шешуді талап ететін елеулі проблемалар әлі де бар. SDSN Қазақстан арқылы біз елдің таза энергиясы мен климаттың өзгеруіне қатысты түрлі зерттеу жұмыстарын жүргізуді мақсат етеміз. Іс-шаралар Қазақстандағы қазіргі және болашақтағы таза энергетиканы дамыту стратегияларын және олардың жалпы ұлттық ТДМ мақсаттарына жетудегі маңыздылығын бағалау үшін университеттерді, мұнай-газ, тау-кен өнеркәсібі, энергетикалық компанияларды және мемлекеттік органдарды тартуды қажет етеді. Сонымен қатар, осы тақырыптық басымдық шеңберінде жаңартылатын/баламалы ресурстар және декарбонизация тәжірибесі сияқты «жасыл» энергия көздері де маңызды болып табылады.
Білім және Серіктестік (ТДМ 4, 10, 17)
Университеттер мен басқа да жоғары оқу орындары ғылыми-зерттеулерін, білім беру бағдарламаларын, көшбасшылық бағдарламаларын және олардың операциялық қызметін жетілдіру арқылы ТДМ-на жетуде шешуші рөл атқарады. Тұрақты дамудың жекелеген элементтері мен ТДМ Қазақстанның университеттері мен институттарында жүзеге асырылуда. Дегенмен, қазіргі заманның негізгі мәселелерін шешу үшін біріктірілген бағдарламалар жоқ. Қазақстан университеттерінің ғылыми-зерттеу және білім беру қызметіне ТДМ тәжірибесін ендірудің жаңа тәсілдерін енгізу үшін саяси және құрылымдық өзгерістер қажет. Осыған байланысты SDSN Kazakhstan университеттің оқу бағдарламаларына тұрақты даму пәндерін енгізуге және ТДМ-ды жоғары білімге енгізуін жүзеге асыруда ілгерілеушілікке қол жеткізгісі келеді. Мақсат – ТДМ тәжірибесін Қазақстандағы жоғары білімге уақыт өте келе енгізуді қамтамасыз ету.