Доктор Серік Оразғалиев «Оқытудағы интернационалдандыру» номинациясы бойынша НУ оқыту саласындағы жетістіктері үшін жүлдені ұтып алды
Назарбаев Университеті Жоғары мемлекеттік саясат мектебінің ассистент профессоры доктор Серік Оразғалиев «Оқытудағы интернационалдандыру» номинациясы бойынша НУ оқыту саласындағы жетістіктері үшін жүлдені ұтып алды.
НУ оқыту саласындағы сыйлығы (NU Teaching Awards) НУ оқытушы-профессорлар құрамы мен қызметкерлерінің оқыту жетістіктері үшін беріледі. 2017 жылдан бастап, жыл сайын НУ Оқыту және білім беру комитеті Мектептер ұсынған номинацияларды қарастырады және келесі санаттар бойынша жеңімпаздарды анықтайды:
- Инновациялық оқыту
- Профессор София Ан атындағы ғылым мен оқытуды интеграциялау сыйлығы
- Инклюзивті оқыту
- Профессор Э. Кехинде атындағы академиялық адалдық сыйлығы
- Оқыту саласындағы интернационалдандыру
- Оқыту саласындағы көшбасшылық; және үш жаңа санат
- НУ тәжірибесімен бөлісу
- Оқыту шеберлігі үшін оқытушының ассистенті сыйлығы
- Үздік ұстаз
НУ Академиялық мәселелер жөніндегі вице-провост Лоретта О’Доннелл атап өткендей, «Биыл «Оқытудағы интернационалдандыру» номинациясы үшін бәсекеге түскендердің саны көп болды, өйткені НУ оқытушылары карантин кезеңінде оқыту әдістерінде шығармашылық шешімдерді қолданды». Марапаттау кезінде қазылар алқасы Профессор Оразғалиев талап етілетін критерийлерге сай келетіні туралы нақты және егжей-тегжейлі дәлелдер келтіргенін атап өтті. Қазылар алқасы оның педагогикалық тәжірибеде интернационалдандыруға деген ұмтылысын жоғары бағалады.
Доктор Серік Оразғалиев 2019 жылы Азия университеттері альянсы (АУА) стипендиясының иегері және 2012 жылы «Болашақ» халықаралық стипендиясының иегері атанды. Оның он жылдан астам педагогикалық тәжірибесі бар, сонымен бірге АУА бағдарламасы шеңберінде Біріккен Араб Әмірліктері, Гонконг, Жапония, Қытай, Оңтүстік Корея, Сауд Арабиясы, Сингапур және Үндістан секілді он үш елдегі он бес AУA университетінің студенттеріне дәріс оқыды.
Оның зерттеулері International Journal of Commons, Journal of Eurasian Studies және Thunderbird International Business Review секілді беделді халықаралық журналдарда жарық көрді. Қазіргі уақытта доктор Оразғалиев Routledge баспасымен келісім-шарт бойынша кітап монографиясын жазуда.