Академиялық бағдарламаны аяқтағаннан кейін студенттерге мемлекеттік саясат магистрі дәрежесі беріледі.

Дәрістер, семинарлар, практикалық жаттығулар, аралас сыныптар, аралас оқыту, зертханалар, жеке және командалық жобалар, өздігінен оқыту, сапарлар (шетелдіктерді қоса алғанда), модельдеу, кейстерді талдау, басқа әдістер.

Емтихандар, курстық жұмыстар, эссе, презентациялар, қорытынды жобалар, кейстер, рефлексиялық жаттығулар, портфолио, тесттер, пікірталас, рөлдік ойындар, аудио/бейне шығару, өзара бағалау және өзін-өзі бағалау, басқа әдістер.

Прогресс
Бағдарлама бойынша оқуды жалғастыру үшін студенттердің әр бағаланатын кезең аяқталғаннан кейін мыналарға сәйкес жақсы академиялық үлгерімі болуы тиіс:

1. Жақсы академиялық үлгерім үшін ең төменгі CGPA – ≥ 2,67; және
2. Шетелдік компоненті бар МРР 699 Policy Analysis Exercise-дың іске асыру кезеңдерін уақтылы аяқтау.

Аяқтау
Бағдарламаны сәтті аяқтау студенттен бірқатар жеке кезеңдерден өтуді талап етеді, олардың әрқайсысы түйінді бағалау сәтімен сипатталады. Қажетті кезеңдер:

1. Бағдарламаның барлық негізгі және қосымша модульдерін сәтті аяқтау;
2. Шетелдік компоненті бар МРР 699 Policy Analysis Exercise-ды аяқтау және сәтті қорғау.

1. Таныстыру аптасы. Бұл MPP бағдарламасының бірінші аптасы. Мақсаты – студенттерді бағдарламаға дайындау және олардың топтастар ретінде бір-бірінің арасында қарым-қатынас орнату. Таныстыру аптасына келмес бұрын студенттер барлық қажетті құжаттарды тапсырып, алдын-ала тапсырылған жұмысты орындауы керек.
2. Негізгі (міндетті) курстар – барлық студенттер бағдарлама аясында өтуі тиіс курстар.
3. Факультативтік курстар – MPР бағдарламасының барлық студенттері балама курстар арасынан таңдау жасайтын курстар. Факультативті курстар өзгеруі мүмкін, себебі олар студенттердің мүддесі/қалауына, оқытушы-профессорлар құрамының болуына және бағдарламаны жүзеге асыру жоспарына негізделген.
4. Шетелдік компоненті бар мемлекеттік саясатты талдау бойынша жаттығу (PAE)

PAE – 16 ECTS кредитіне бағаланатын курстық жоба. Ол әдетте тапсырыс беруші немесе мақсатты ұйым үшін орындалатын мемлекеттік саясатты зерттеу болып табылады. PAE студенттерден мемлекеттік саясаттың өзекті мәселелерін анықтауды және талдауды талап етеді, студенттерге алдағы кезеңдерде алдарынан шығатын кәсіптік талаптарды қанағаттандыруда сенімділік пен құзыреттілікті дамытады. PAE-ні орындаған кезде студенттер мәселені анықтауға және құрылымдауға, мәліметтерді жүйелеуге, мәселені анықтауға және талдау жүргізуге, нақты және сенімді жазбаша есеп беру шеңберіндегі іс-әрекеттер бойынша нақты ұсыныстармен аяқтауға дайын болуы тиіс.

Шетелдік компонент (қазіргі уақытта Сингапурде), әдетте, бірінші оқу жылының соңында (жазғы семестр) өтеді, студенттер дәрістер мен оқу сапарларға шығу арқылы ұзақ мерзімді қала жоспары және оны экономикалық дамыту туралы сингапурлық тәсілдермен танысады, олар алған сабақтары туралы және оларды Қазақстан жағдайында пайдалануға немесе бейімдеуге болатындығы туралы түйіндейді. Бұл, әсіресе, өзінің РАЕ жобасымен жұмыс істейтін студенттер үшін пайдалы болуы мүмкін.

МРР бағдарламасына оқуға қабылдау меритократия негізінде іске асырылады. Гранттардың барлық түрлерін тағайындау конкурс негізінде жүзеге асырылады.

Біз келесі қаржыландыру түрлерін ұсынамыз:

• Мемлекеттік қаражат есебінен қаржыландыру: Үкімет қаржыландыратын Назарбаев Университетінің білім гранты (Мемлекеттік стипендия) оқу ақысын және ай сайынғы стипендияны толығымен қамтиды. Назарбаев Университетінің білім беру гранты мемлекеттік білім беру тапсырысы шеңберінде және/немесе «Болашақ» халықаралық стипендиясы аясында тиісті оқу деңгейі бойынша бірдей дәрежеге ие болған тұлғаларға берілмейді. Сондай-ақ, бұл грант бұрын Назарбаев Университетінде оқыған және тәртіптік себептермен оқудан шығарылған талапкерлерге берілмейді. Гранттар саны жыл сайын Қазақстан Республикасы Үкіметі жарғысымен бекітіледі.
• «Абай Құнанбаев» гранты: «Абай Құнанбаев» гранты Абай Құнанбаевтың (1845-1904) — қазақтың ақыны, ағартушы, композитор, философ, жазба қазақ әдебиетінің негізін қалаушысының құрметіне аталған. «Абай Құнанбаев» гранты шетел азаматтарына және азаматтығы жоқ тұлғаларға конкурс негізінде тағайындалады. Грант Назарбаев Университетімен қаржыландырылады және оқу ақысын, айлық шәкіртақыны және негізгі медициналық сақтандыруды қамтиды. Гранттар тиісті бағдарлама/мамандық бойынша толық оқу мерзіміне беріледі. Гранттар саны жыл сайын Назарбаев Университетімен бекітіледі.
• Ақылы оқу және жартылай гранттар: ақылы оқуға түсу барлық қабылдау талаптарына сәйкес келетін және қабылдауға ұсынылған үміткерлер үшін қол жетімді. Ақылы оқуға квоталар санын жыл сайын Назарбаев Университеті Мектептердің сыйымдылығын ескере отырып бекітеді.

Макроэкономикалық өзгерістер бүкіл әлемдегі саяси пікірталастардың басты тақырыбы болып табылады. Бұл курс тәжірибелі мемлекеттік қызметкерлер, саясат сарапшылары немесе мемлекеттік саясат талдаушылары болғысы келетін студенттерге макроэкономика туралы терең түсінік береді. Бұл – мемлекеттік саясат магистратурасы бағдарламасындағы негізгі курс және бағдарламаның көптеген басқа модульдері үшін міндетті шарт болып табылады. Бұл модульден өту үшін негізгі математикалық дағдыларды жақсы меңгеру қажет. Модуль MPP601 микроэкономика тақырыбын шолудан басталады, әрі қарай таңдалған тақырыптарды біртіндеп жетілдірілген деңгейге дейін талқылаумен жалғастырылады. Модульдің қалған бөлігі макроэкономикалық саясатты талдауды зерттеуге арналған. Микроэкономика «Макроэкономиканың микро негіздері» тақырыбын дамытуға көмектеседі.

Бұл курс мемлекеттік саясатты оқитын студенттерге арналған. Курс студенттерге деректерді талдау білімін өз жұмыс орындарында қолдануға бағытталған. Осылайша, курстың негізгі мақсаты студенттерге олардың практикалық жұмысында қолдануға болатын деректерді талдау бойынша білім беру, оның ішінде дәлелді мемлекеттік саясат және статистикалық себеп-салдарлық талдау принциптері сияқты маңызды аспектілерді қамту болып табылады. Курста ерекше назар нәтижелерді интерпретациялауға және шешім қабылдау мен аналитиканың нақты тәжірибесінде теориялық үлгілерді енгізуге аударылады. Сонымен қатар, бұл курс студенттері үлкен деректермен («Big Data») жұмыс істей бастайды, онымен жұмыс істеудің негізгі принциптерін, артықшылықтары мен шектеулерін түсінуден бастап, оның негізінде үлгілерді құруға дейін аяқталады. Семестр бойы студенттер Stata және Python сияқты статистикалық пакеттерді пайдаланады.

MPP 613 мемлекеттік саясат саласындағы магистрлік бағдарламаның негізгі модульдерінің бірі болып табылады және студенттерге мемлекеттік саясат саласында зерттеулер жүргізудің негізгі элементтері туралы түсінік алуға мүмкіндік береді. Модуль үш бөлімнен тұрады: 1 бөлім әлеуметтік ғылымдардағы «зерттеу» деген не, зерттеу жұмысының негізгі компоненттері қандай және оларды қалай жазу керектігі туралы айтады (аннотация, кіріспе, әдебиетке шолу және т. б.); 2 бөлімде тыңдаушылар әлеуметтік ғылымдарда зерттеу жүргізудегі тұжырымдамалар мен теориялардың рөлі туралы біледі; 3 бөлімде тыңдаушылар эмпирикалық зерттеу жүргізу кезінде сандық, сапалық және аралас әдістердің негіздерімен танысады. Курстың соңында студенттер зерттеу ұсынысын дайындайды, оны кейінірек PAE (Policy Analysis Exercises) орындау үшін пайдалануға болады.

Бұл негізгі модульдің мақсаты – мемлекеттік саясат студент-магистранттарын институционаларалық және трансшекаралық деңгейлердегі мемлекеттік басқару және көшбасшылықтың негізгі теориялық тұжырымдамалары мен тәжірибелерімен таныстыру. Мемлекеттік басқару мен көшбасшылықтың модельдері мен стратегияларының мемлекеттік мекемелер жұмысының тиімділігіне және бүкіл әлемде мемлекеттік сектор реформаларын іске асыруға әсері шын мәнінде осы модульдегі маңызды тақырып болып табылады. Дүние жүзіндегі мемлекеттік саясат бойынша бірқатар білім беру бағдарламаларынан алынған тәжірибелік мысалдар студенттерге осындай институционалдық шаралардың көріністерін жақсырақ түсінуге, анықтауға және талдауға көмектеседі. Тұжырымдамалық жазбаларды әзірлеу де курстың маңызды элементі болып табылады. Модуль аяқталғаннан кейін студенттер теориялық тұжырымдамаларды түсініп, олардың нақты практикалық қолданылуын зерттей алады.

Бұл негізгі курс «Мемлекеттік саясат магистрі» бағдарламасының студенттерін мемлекеттік саясаттың өзара байланысы мен өзара іс-әрекетімен таныстырады. Бұл курс үкіметтің рөлі; мемлекеттік және жеке секторлардың өзара қарым-қатынасы мен динамикасы; саяси-әкімшілік қатынастар; ынтымақтастық және желілер; тиімділікті басқару; мүдделі тараптарды басқару; этика және сыбайлас жемқорлыққа қарсы стратегиялар сияқты негізгі тақырыптарды қамтиды. Курста кейс-стади мен сыныптағы пікірталастарды зерттеу студенттерге зерттеу нәтижелері мен тұжырымдамалық негіздерді практикамен байланыстыруға мүмкіндік береді.

Саясатты талдау бойынша практикалық жаттығу (PAE) – бұл тапсырыс беруші немесе мақсатты ұйым үшін орындалған мемлекеттік саясатты немесе басқаруды зерттеу (мүмкін болған жағдайда). Бұл, шын мәнінде, дәстүрлі теориялық магистрлік диссертацияның қолданбалы нұсқасы. Осы тапсырма аясында әр студент нақты саяси мәселені анықтап, талдай алуы керек. Студенттер осыны жасай отырып, алдағы уақытта кездесетін кәсіби талаптарды қанағаттандыру үшін сенімділік пен құзыреттіліктерін дамытады. PAE орындаған кезде студенттер проблеманы анықтауға және құрылымдауға, мәліметтерді жүйелеуге, нақты және сенімді жазбаша есеп шеңберіндегі іс-әрекеттер бойынша нақты ұсыныстармен аяқтауға дайын болуы керек.