Денсаулық сақтау реформасын цифрлау
Қазақстан Республикасының Денсаулық сақтау вице-министрі Олжас Әбішев 2019 жылғы 25 қаңтарда денсаулық сақтау реформасын цифрлау және оған байланысты мәселелерді талқылау туралы дәріс оқыды.
Доктор Олжас Әбішев – экономист, ақпараттық технологиялар жөніндегі маман және заңгер. Еңбек қызметін 2000 жылы бастады. «Қазагромаркетинг» АҚ-та, «Қазақстан Ғарыш Сапары» АҚ-та, «Ұлттық ақпараттық технологиялар» АҚ-та, «Ұлттық медициналық холдинг» АҚ-та, «Медициналық технологиялар және ақпараттық жүйелер орталығы» АҚ-та, «Әскери-стратегиялық зерттеулер орталығы» АҚ-та, «Аstana Innovations» АҚ-та, «Тұран Астана» Университетінде, сондай-ақ коммерциялық құрылымдарда жұмыс істеді. 2017 жылғы қыркүйек айынан бастап Денсаулық сақтау министрінің орынбасары лауазымына дейін Қазақстан Республикасының Денсаулық сақтау министрлігінің Республикалық электрондық денсаулық сақтау орталығында бас директор болып қызмет атқарды, денсаулық сақтау саласындағы цифрландыру процесіне жетекшілік етті.
Олжас Әбішев Қазақстандағы денсаулық сақтау жүйесіндегі цифрландыру процесі туралы айтты. Атап айтқанда, дәрі-дәрмектерді сатып алу жүйесін реформалау бюджет қаражатын үнемдеуге мүмкіндік береді; сондай-ақ Қазақстан азаматтарына психотерапия және наркология орталығынан медициналық анықтамаларды онлайн алуға болады.